ہیلو، امید ہے کہ آپ آج ٹھیک ہیں- ١٢ میں سے ١٠ سبق میں خوش آمدید- ہمارے پچھلے سبق میں ہم نے بات کی تھی کہ جنسی تشدّد کے بعد آپ اپنی زندگی میں کیسے واپس لوٹ سکتے ہیں- اس سبق میں، ہم آپ کو نوکری ڈھونڈھنے میں مدد کریں گے جبکہ آپ اپنی زندگی میں اپنا کنٹرول واپس حاصل کرنے کی جدوجہد میں ہیں-

ایک چیز جو آپ کو واپس چاہئے ہوگی وہ آپ کی آزادی ہے- ہو سکتا ہے کہ آپ ایک نئی نوکری ڈھونڈھنا چاہیں تاکہ آپ پیسے کما سکیں، اپنا اور اپنے گھر والوں کا خیال رکھ سکیں- ہوسکتا ہے کہ آپ یہ چاہتے ہوں کہ آپ اپنے پارٹنر پہ مالی طور پر انحصار نہ کریں-👛

البتہ، کہ ہم میں سے کافی لوگ آزادی چاہتے ہیں، ہمیں لگتا ہے کہ نئی نوکری حاصل کرنا آسان نہیں ہے- کچھ لوگ کام پر واپس جانے سے اس لئے گھبراتے ہیں کیونکہ انہوں نے کافی عرصے سے کہیں کام نہیں کیا ہوتا، اور کچھ کو لگتا ہے کہ اس نئے ملک میں بغیر ویزا کے نوکری ملنا ناممکن کے برابر ہے اور لوگ اتنا پریشان ہو جاتے ہیں کہ وہ اپنے انٹرویو میں اتنی اچھی کارگردگی نہیں دکھا پاتے جتنا کے وہ جانتے ہیں کہ وہ کر سکتے ہیں-

مثال کے طور پہ، ایک سروائیور نے کہا،"میں بہت جھنجلا جاتی تھی جب میری فیملی مجھ سے کہتی تھی کہ ،"تم آخر کوئی نوکری کیوں نہیں کر لیتیں؟" میں نے تمام کوشش کر لی تھیں اور سب بہت مشکل رہا تھا- جب میرے شوہر اور میری شادی ہوئی، تو ہم نئے ملک شفٹ ہوگئے- انہوں نے مجھ سے کہا کہ میں کام نہ کروں تاکہ مستقل طور پہ اپنے بچوں کی دیکھ بھال کر سکوں- اب ہماری طلاق ہورہی ہے، آٹھ سال گزر گئے ہیں اور میرا کوئی کام کا تجربہ نہیں ہے- میں اپنی جوانی میں جتنا پراعتماد محسوس کرتی تھی، اب نہیں کرتی- اور حالانکہ میں اپنی زندگی دوبارہ سے شروع کرنے کی کوشش کر رہی ہوں، لیکن مجھے اپنی بچوں کی کسٹڈی کے لئے اتنی کورٹ کی تاریخوں پہ جانا پڑتا ہے کہ میں تمام انٹرویو میں پہنچ بھی نہیں پاتی- مجھے لگتا ہے کہ جیسے ہر چیز میرے خلاف کام کر رہی ہے-"😪

اگر آپ نے بھی ایسا محسوس کیا ہے یا اس قسم کی مشکلات سے گزرے ہیں، تو ہم چاہتے ہیں کہ آپ یہ جان لیں کہ آپ اکیلے نہیں ہیں- ہوسکتا ہے کہ کچھ چیزیں بہت مشکل ہوں، پر ہمیں آپ پہ بھروسہ ہے- ہمیں بھروسہ ہے کہ آپ ان چیزوں کا حل نکال لیں گی- کیونکہ آپ عقلمند ہیں، آپ ہمت والے ہیں اور آپ کسی بھی کمپنی میں اچھا کام کریں گے اور ہر چیز کا کوئی نہ کوئی حل نکالا جا سکتا ہے-🤓

چاہے آپ کے پاس باقاعدہ کالج کی تعلیم نہ بھی ہو، یا کسی نوکری کا تجربہ، تو کوئی بات نہیں- مثلاً، برطانیہ میں کچھ سینٹر ہیں جو عورتوں کو نیا کام یا دوبارہ سے کام شروع کرنے میں مدد کرتے ہیں اور بات کرتے ہیں کہ کیسے گھر کو سنبھالنا- بجٹ، کمیونیکشن کا ہنر اور وقت کو مینیج کرنا اس سب کی ہی مثال ہے-

ٹاسک: آپ کس چیز میں اچھے ہیں؟

اپنے ہنر پہ فوکس کریں-سوچیں کہ آپ نے کسی قسم کا کوئی رضاکارانہ ایکٹیویٹی کی ہے- اپنے ان ہنر کی ایک لسٹ بنائیں جو آپ کو لگتا ہے کہ وہ آپ کےکام آ سکیں گی- روز مرّہ کے ہنر کا سوچئے- لوگوں سے بات چیت، کم بجٹ پہ گھر کا خرچ چلانا، اور وقت کا اہتمام کرنا وغیرہ-

آج کے لئے اتنا ہی- ہمارے اگلے سبق میں، ہم بات کریں گے کہ کیسے آپ کو نوکری کی پیشکش مل سکتی ہے-

یاد رکھیں: آپ یہ کر سکتے ہیں- بس ایک وقت پہ ایک قدم اٹھائیں-