ہیلو، امید ہے کہ آپ ٹھیک ہوں گے- ١٢ میں سے ٨ سبق میں خوش آمدید- پچھلے سبق میں، ہم نے اس بارے میں بات کی تھی کہ کیسے آپ اپنی کہانی دوسروں کو بنا ڈرے سنا سکتے ہیں تاکہ آپ کو اس سب سے اکیلے نہ گزرنا پڑے-

ہم میں سے کافی لوگوں کو جنسی تشدّد کے بعد کے اثرات سے گزرنا پڑتا ہے، جو ہم پہ کئی قسم کے زخم چھوڑ سکتا ہے-

جنسی تشدّد کے بعد زندگی دوبارہ کبھی ویسی نہیں لگتی- جہاں جسمانی تکلیف وقت کے ساتھ ختم ہو سکتی ہے، لیکن جو زخم اور تکلیف آپ اپنے اندر محسوس کرتے ہیں وہ بھرنے میں سب سے زیادہ وقت لگتا ہے- کیونکہ کبھی کبھی ذہنی چوٹیں ہمارے ساتھ لمبے عرصے تک رہ سکتی ہیں-

تو اگر آپ کا اگر کوئی حصّہ خود کو ٹوٹا ہوا محسوس کرتا ہے اور اگر آپ کو ایسا لگتا ہے کہ آپ پر تشددد کرنے والا آپ سے آپ کے حصّے کو چھین چکا ہے اور آپ کبھی دوبارہ مکمّل محسوس نہیں کریں گی... تو ہم چاہتے ہیں کہ آپ یہ جان لیں، کہ آپ ایسا محسوس کر سکتے ہیں- آپ ٹھیک ہوجائیں گے اور آپ اس سے گزر سکتے ہیں-💪

مثال کا طور پہ، ایک سروائیور نے ہمیں بتایا،"میں زنا بل جبر سے گزر چکی ہوں، اور اس حادثے نے بنیادی طور پر مجھے تبدیل کر دیا ہے- میرا سفر اب بھی چل رہا ہے اور یہ بہت مشکل اور خوفناک ہے-"

"کچھ دن میں اس بارے میں نہیں سوچتی- لیکن جن دنوں کو میں اس بارے میں سوچتی ہوں، مجھے اس کے مناظر اپنے ذہن میں دکھائی دیتے ہیں، مجھے اس کے ڈراؤنے خواب آتے ہیں اور میری طبیعت خراب ہونے لگتی ہے-"🤢

"کچھ عرصے بعد، مجھے احساس ہوا کہ میرا یہ حادثہ میری زندگی کے تمام حصّوں کو اثر انداز کر رہا ہے- مجھے اچھا نہیں لگتا تھا جب میرے دوست یا میرے گھر والے مجھے چھوتے یا مجھے گلے لگاتے تھے- اور حالانکہ، بعد میں میری شادی ہو گئی اور میرے ٣ بچّے بھی ہو گئے، لیکن میں نہیں جانتی تھی کہ جو پیار میں اپنے شوہر کے لئے سچ میں محسوس کرتی تھی اسے میں انہیں کیسے دکھاؤں-"

"میرے سوتیلے باپ نے جو میرے ساتھ کیا، اس نے میری زندگی کو بدل کے رکھ دیا- جس لمحے مجھے احساس ہوا کہ یہ میری شادی پہ کیا اثر کر رہا ہے، میں جان گئی تھی کہ مجھے اپنی زندگی کو واپس حاصل کرنے کے لئے کوئی طریقہ ڈھونڈھنا ہو گا- میں اپنے سوتیلے باپ کو خود سے ایک اور چیز نہیں چھیننے دوں گی-"

"میں ہر چیز کے بارے میں سوچنے سمجھنے کے لئے تھراپی کا راستہ ڈھونڈھا- حالانکہ، میں وقت کو واپس نہیں پلٹ سکتی اور میں جانتی ہوں کہ اس کا نہ کوئی علاج ہے نہ کوئی مستقل حل، لیکن میں جانتی تھی کہ میں مستقل کی اس تکلیف کو ختم کرنے کے لئے کچھ کر سکتی تھی- تو جب میرے تھراپسٹ نے مجھے پی ٹی ایس ڈی سے تشخیص کیا ، تو مجھ میں فوراً سکون کی ایک لہر گزری کہ میں جس چیز سے گزر رہی ہوں وہ اصل ہے اور اس کا علاج ممکن ہے-"🙏

"اگر میں نے اس وقت مدد نہ لی ہوتی اور اپنی تکلیف کی تشخیص اور اس کا علاج نہ کروایا ہوتا تو میں آج یہاں نہ ہوتی- یہ وہ موقع تھا جب میں نے اپنی زندگی کا کنٹرول واپس اپنے ہاتھ میں لیا، اپنے کیریئر کو دوبارہ سے بنایا اور اپنی شادی شدہ زندگی کو بہتر بنایا-"👏👏

"بس میری ایک ہی خواہش ہے کہ کاش مجھے پہلے پتا ہوتا کہ مدد حاصل کرنے کے لئے نہ کبھی بہت جلدی ہوتی ہے اور نہ کبھی بہت دیر-"

ریسرچ دکھاتی ہے کہ بہت سے سروائیور جو ایسا محسوس کرتے ہیں وہ اسی لئے کہ وہ پی ٹی ایس ڈی (پوسٹ ٹرامیٹک سٹریس ڈس آرڈر) سے گزر رہے ہوتے ہیں- پی ٹی ایس ڈی کی وجہ سے آپ کو جنسی تشدّد کے بعد ڈراؤنے خواب، اس حادثے کے فلیش بیک اور شرمندگی اور احساس جرم محسوس ہوتا ہے-

اگر اس تشدّد کے بعد آپ اب تک پہلے جیسا محسوس نہیں کر پا رہےہیں ، تو ہم چاہتے ہیں کہ آپ یہ جان لیں کہ اس میں کوئی حرج نہیں- آپ کے ساتھ جو کچھ ہوا یہ اس کا بہت معمولی رد عمل ہے- نہ تو آپ پاگل ہیں، نہ ہی آپ کچھ غیر معمولی محسوس کر رہے ہیں اور نہ ہی آپ کچھ نامناسب برتاؤ کر رہے ہیں- آپ اتنے سب کچھ سے گزرے ہیں اور آپ جیسا محسوس کر رہے ہیں ایسا محسوس کرنا بلکل نارمل ہے-

سب سے بڑا سوال یہ ہے کہ، ان جذبات کو، آپ کے خوف اور پریشانیوں کو آپ کی زندگی میں دخل اندازی سے اور آپکی زندگی کو خراب کرنے سے کیسے روکا جائے؟

ماہر نفسیات نے پتا لگایا ہے کہ سب جنسی تشدّد سے ہوئے نقصان کی تلافی مختلف انداز میں کرتے ہیں- کچھ سروائیوراسی وقت صدمے، پریشانی، گھبراہٹ سے گزارتے ہیں اور سن ہو جاتے ہیں- اور جلد ہی جو حادثہ ان کے ساتھ ہوا اس کو قبول کر لیتے ہیں اور اس سے جلد ہی آگے بڑھ جاتے ہیں- باقیوں کا ردعمل تھوڑے وقت کے بعد آتا ہے-

کچھ لوگ اس حادثے کو نہ ماننے کے جذبات سے گزرتے ہیں اور ہو سکتا ہے کہ جو کچھ ان کے ساتھ ہوا ہو اسے مکمّل طور پر مانتے بھی نہیں ہیں اور اس حادثے کی شدّت کو اپنے ذہن میں کم کردیتے ہیں- اور کافی عرصے بعد، جب سروائیور کو لگتا ہے کہ وہ اس حادثے کو دفنا چکے ہے، تو وہ پی ٹی ایس ڈی سے گزرتے ہیں- مثال کے طور پہ، جرمنی کے ریسرچر نے دیکھا کہ دوسری جنگ عظیم کے دوران جن عورتوں کے ساتھ زنا بل جبر ہوا ان میں سے ایک تہائی(١/٣)عورتوں کو پی ٹی ایس ڈی کے علامات کچھ تقریباً ٧٠ سال بعد ہوئے-🕰

ان باتوں کا مقصد یہ ہے کہ – بہتری کے لئے کوئی ایک مخصوص ٹائم لائن یا ایک سیدھی راہ نہیں ہے- سب اپنے انداز اور اپنے وقت میں بہتر ہوتے ہیں- اور آپ بھی اس حادثے سے اپنے انداز میں اور اپنے وقت میں بہتر ہوں گے-

آج کے لئے اتنا ہی- ہمارے اگلے سبق میں، ہم ان اقدام کے بارے میں بات کریں گے کہ کیسے وہ جنسی تشدّد کے بعد آپ اپنے جسم اور اپنی زندگی کو دوبارہ حاصل کرنے میں مدد کریں گے-

یاد رکھیں: آپ یہ کر سکتے ہیں- بس ایک وقت پہ ایک قدم اٹھائیں-