ہیلو! ١٥ نوٹس میں سے ٦ نوٹ میں خوش آمدید! پچھلے نوٹ میں، ہم نے قانونی مدد کے متبادل طریقوں کے بارے میں پڑھا- اس نوٹ میں، ہم جانیں گے کہ اپنے وکیل سے بات چیت کیسے کرنی ہے- یہ نوٹ پچھلے والے سے لمبا ہے- ہم اسے مل کے کر سکتے ہیں!

قانونی امداد والے وکلاء بہت مصروف ہوتے ہیں، انہیں آپ کے کیس پہ کام کرنے کے لئے وقت کی ضرورت ہوتی ہے اور انہیں آپ کو فورا ً جواب دینے میں مشکل ہوتی ہے- لیکن آپ کا ان سے سوالات پوچھنا ٹھیک ہے: وہ آپ کی مدد کے لئے ہیں- اگر آپ کا اپنے وکیل سے فون پہ بات کرنا مشکل ہے تو، ان سے آمنے سامنے بیٹھ کے بات کرنے کا اپائنٹمنٹ لے کے ملنا یا ان سے خط یا ای میل پہ لکھ کے بات کرنا زیادہ آسان طریقہ ہے- اگر آپ اپنے وکیل سے بات نہیں کرنا چاہتے کیونکہ آپ بہت پریشان ہیں، ذہنی دباؤ محسوس کر رہے ہیں یا بہت مصروف ہیں تو آپ اپنے دوست/سپورٹر کو آپ کی جگہ بات کرنے کو کہہ سکتے ہیں- آپ کو انہیں اپنی تحریری اور زبانی اجازت دینی پڑے گی-

اگر آپ کو ایسا لگ رہا ہے کہ آپ کا کیس بہت آہستہ بڑھ رہا ہے، تو اپنے وکیل سے اس کی وجہ پوچھنے سے ڈریں نہیں- ہو سکتا ہے کہ وہ امیگریشن آفس سے خود شواہد جمع کرنے کے لئے ان کی کال کا انتظار کر رہے ہوں یا وہ آپ کا شواہد لا کے دینے کا انتظار کر رہے ہوں- وکلاء صرف آپ کی کہی ہوئی بات پہ زیادہ کام نہیں کر سکتے جب تک کہ آپ انہیں شواہد پیش نہیں کریں گے-

کچھ ٹپس:

• اپنے تمام دستاویز کی کاپی رکھیں، اور ان تمام چیزوں کی جو آپ کے وکیل نے جمع کروائی ہیں- تمام کاغذی کام کو منظم انداز میں ایک فائل میں اکھٹّا کر کے رکھیں-
• آپ کے وکیل نے آخری ایکشن کیا لیا اس کے بارے میں جانیں: وہ کیا تھا، کب تھا اور اس کے جواب کی امید کب ہے-
• آپ کے وکیل کو آپ کے اسائلم کی درخواست کے ہر مرحلے سے پہلے اور بعد میں بات کرنی چاہیے-
• اس بات کی یقین دہانی کریں کہ آپ کا وکیل آپ سے رابطے کی معلومات جانتا ہو- اگر آپ نے اپنا پتہ، اپنا فون نمبر، کچھ بدلہ ہے، تو اپنے وکیل کو جلد از جلد بتائیں -
• آپ کو کسی بھی وقت امیگریشن آفس یا کورٹس اور ٹربیونل سروسز کی طرف سے کوئی خط آئے، آپ فورا ً اپنے وکیل سے رابطہ کریں-
• امیگریشن آفس سے کوئی بھی اپائنٹمنٹ بنانے سے پہلے اپنے وکیل سے رابطہ کریں-

کوئی کمپلینٹ کیسے کریں؟

بہت سارے لوگ جو اس ملک میں اسائلم کے لئے درخواست دیتے ہیں، وہ اپنے چاہنے پہ بھی اپنے وکیل سے کوئی شکایت نہیں کر پاتے- اگر آپ کے کیس میں آپ کے وکیل کی طرف سے غلطیاں کی گئی ہیں، اور آپ بعد میں اس غلطی کو امیگریشن افسران کو سمجھانے کی کوشش کر رہے ہوں، تو اگر آپ اپنی حکایت کا ریکارڈ رکھیں تو آپ کے لئے فائدہ مند رہے گا-

آپ شکایت کر سکتے ہیں اگر:

• آپ کو بری تجویز یا سروس ملی ہو تو -
• اگر آپ پر غیر معقول فیس درج کی گئی ہو تو -
• اگر آپ کا مشیر آپ کے کامیاب ہونے کے دعوے کرے-
• اگر آپ کا مشیر ڈیڈ لائن مس کر دے یا کورٹ میں نا آئے-

آپ اپنے وکیل کے سپروائزر سے معلومات کے لئے رابطہ کر سکتے ہیں کہ شکایات کیسے کی جائے یا ایسے قریبی بار ایسوسی ایشن جن کے پاس آپ کے وکیل کے لئے ریگولٹوری طاقت ہو، وہاں جا کے شکت درج کر سکتے ہیں-

یاد رکھیں: اپنے وکیل سے سوالات پوچھنے سے ڈریں نہیں- یہ جاننا بہت ضروری ہے یہ کیا آپ کی موجودہ درخواست ہوم آفس کے پاس ہے یا نہیں- اگر آپ کے پاس یہاں رہنے کی اجازت نہیں ہے اور کوئی ایسی درخواست نہیں جس پہ کام ہورہا ہو، تو آپ کو حراست میں لینے کا یا نکالے جانے/ڈیپورٹ کئیے جانا کا خطرہ ہے- اگر آپ سے کوئی رپورٹنگ ایونٹ نکل جائے، تو آپ کو چاہیے کہ آپ اپنے وکیل کو فوراً بتائیں-

عمل: اپنے تمام کاغذی کام کے لئے ایک فائل بنائیں- شواہد جمع کرنا شروع کریں اور انھیں منظّم کریں-

اس کے بعد: ہم کاغذی اور حقیقی شواہد پہ نظر ڈالیں گے کہ کیسے وہ ہماری مدد کر سکتے ہیں-

اور مت بھولیں: آپ قابلِ قدر ہیں - آپ طاقتور ہیں- آپ یہ کر سکتے ہیں!

سول میڈیسن ٹیم-