ہیلو! ١٥ نوٹس میں سے ٩ نوٹ میں خوش آمدید! پچھلے نوٹ میں، ہم نے دستاویزی اور حقیقی شواہد کے بارے میں بات کی تھی- اس نوٹ میں، ہم گواہی والے شواہد کی بات کریں گے- ہم اس سے قدم بہ قدم گزریں گے-

اسائلم کیس کے کامیاب ہونے کے لئے سب سے ضروری یہ ہے کہ آپ کی کہانی بلکل درست ہے- وکلاء، کیس ورکرز، کوئی سپپورٹنگ آرگنائزیشن، ہوم آفس آپ سے آپ کی کہانی کے بارے میں سوالات کر سکتے ہیں- آپ کن حالات سے گزرے ہیں، کیا آپ کی جان کو خطرہ ہے، کیوں آپ اسائلم کی تلاش میں ہیں، آپ کو کس بات کا ڈر ہے، آپ کو کیا دھمکیاں ملیں، وغیرہ-

ان تفصیلات کو بار بار دہرانا ذہنی طور پہ تھکا سکتا ہے اور ہو سکتا ہے کہ آپ اکثر کچھ تفصیلات بھول جائیں- اس سب میں پہلا قدم یہ ہے کہ آپ ہر چیز کو لکھ کے رکھیں- ایک لسٹ بنانے کی کوشش کریں جس میں آپ ضرورت کے حساب سے تفصیل بھی لکھیں- پھر اسے اپنی کہانی میں شامل کریں - اپنے الفاظ کا استعمال اکریں اور اسے پرسنل رکھیں- آپ کا کیس آپ کی کہانی کے پراثر ہونے پہ منحصر ہے-

کچھ ٹپس:

• اپنی کہانی ضمیر متکلم میں لکھیں، مطلب 'اس' کے بجائے 'میں' کا استعمال کریں-
• تمام واقعات کو تاریخ وارانہ ترتیب میں لکھیں- اس کا مطلب ان واقعات سے شروع کریں جو کہ پہلے ہوئے-
• ضروری ہے کہ آپ اپنے کلچرل بیک گراؤنڈ، اپنے گھر کی صورت حال،روایات اور بیک گراؤنڈ کی مختصر طور پہ وضاحت کریں تاکہ پڑھنے والا آپ کی پوزیشن سمجھ سکے اور آپ کے نظریے سے آپ کن حالات سے گزر رہے ہیں، ان کو بھی ظاہر کرے گا- اس سے پڑھنے والے کو آپ کی مالی امکانات سمجھنے میں مدد ملے اور آپ کے کچھ انتخاب اور فیصلوں کی بھی وضاحت کرے گا-
• ان تمام اہم واقعات جن کی وجہ سے آپ کو اسائلم کی تلاش میں جانا پڑا، اس کی پرسنل ٹائم لائن بھی شامل کر سکتے ہیں-
  • اسے ٹائم کے حساب سے لکھیں کہ پڑھنے والا ہر واقعہ کے ساتھ یہ سمجھ سکے کہ آپ کے حالات کیسے بگڑے-
  • تشدّد کے پہلے واقعہ سے شروعات کریں، اور اس کے بعد اس کے بعد بڑے واقعات کا ذکر کریں-
  • تفصیل مت لکھیں- واقعہ کی تاریخ، دن اور وقت لکھیں- آپ کے ساتھ کیا ہوا، کہاں ہوا اس کی تفصیل لکھنے کی کوشش کریں اور اگر کوئی آپ کے ساتھ وہاں موجود تھا تو اس کا بھی ذکر کریں-

اگر آپ کو ہر واقعہ نہیں یاد ہے تو کوئی بات نہیں- ہمارا ذہن اکثر ناپسندیدہ یادیں بھلانے کی کوشش کرتا ہے، جس کی وجہ سے ایک لکھی ہوئی ٹائم لائن بہت ضروری ہے- صرف اہم واقعات کو ترتیب سے نمایا کریں-

اس کو ایک زیادہ مرتبہ پڑھیں تا کہ اس بات کی تسلّی ہو جائے کہ آپ نے تمام اہم معلومات کو شامل کیا ہے-اس کی ایک کاپی اپنے پاس سنبھال کے رکھیں- کچھ کیسز میں، امیگریشن افسران آپ سے آپ کے انٹرویو سے پہلے ہی آپ سے لکھی ہوئی گواہی مانگ سکتے ہیں- اگر نہ مانگیں، تو آپ اسے بیشک اپنے انٹریو کے بعد جمع کروا دیں- ہر حال میں، اِس کا آپ کی فائل میں ہونے سے آپ کی اسائلم کی درخواست کو فائدہ پہنچے گا-

یاد رکھیں: آپ کی کہانی آپ کے کیس کا سب سے اہم حصّہ ہے!

عمل: اپنی گواہی پہ کام کرنا شروع کر دیں- اگر آپ کو سب باتیں یاد کرنے میں مشکل پیش آرہی ہیں تو، پہلے ٹائم لائن بنائیں-

اس کے بعد: ہم اسائلم کے طریقہ کار کے بارے میں بات کریں گے-

اور مت بھولیں: آپ قابلِ قدر ہیں - آپ طاقتور ہیں- آپ یہ کر سکتے ہیں!

سول میڈیسن ٹیم-