ہیلو! ١٥ نوٹس میں سے ١٢ویں نوٹ میں خوش آمدید! پچھلے نوٹ میں، ہم نے بات کی تھی کہ اسائلم کا اہم انٹرویو کیسا جا سکتا ہے- اس نوٹ میں، ہم آپ کو اس انٹرویو میں پوچھے جانے والے سوالات کے بارے میں بتائیں گے اور مدد کریں گے- اگر آپ کو یہ سب پریشان کر رہا ہے تو، فکر مت کریں- ہم اسے مل کر کریں گے-

جیسا کہ ہم نے کہا، اسائلم کا اہم انٹرویو اسائلم آفس والوں کے لئے اس بات کی یقین دہانی کرانے کا موقع ہے کہ آپ جھوٹ نہیں بول رہے اور اور آپ کی کہانی صحیح ہے یا نہیں-

ہم ان تمام سوالوں کی لسٹ بنائیں گے جو کہ آپ سے پوچھے جا سکتے ہیں تا کہ آپ اس انٹرویو کے لئے تھوڑے بہتر تیار ہوں- کچھ سوال دیکھنے میں تو بہت عام سے لگتے ہیں لیکن بار بار پوچھے جانے پہ کچھ مشکل محسوس ہو سکتے ہیں، اس لئے انٹرویور کیا کہہ رہا ہے اس پہ دھیان دینے کی کوشش کریں-

کچھ سوالات ایسے ہوں گے:

• آپ کے بارے میں - آپ کی تاریخ پیدائش، آپ کی قومیت، کریمنل ریکارڈ وغیرہ -
• آپ کی کہانی -
  • آپ نے اپنا آبائی ملک کب چھوڑا؟
  • کیوں چھوڑا؟
  • کیا آپ کی کوئی فیملی وہاں رہتی ہے؟ کیا آپ وہاں کسی سے رابطے میں ہیں؟
  • کیا آپ کبھی دوسرے ممالک گئے ہیں؟ کیا آپ نے وہاں اسائلم حاصل کرنے کی کوشش کی ہے؟
• آپ کی اسائلم کی درخواست کے بارے میں-
  • آپ کو کس کا خطرہ ہے جس سے آپ بھاگ رہے ہیں؟
  • کون آپ کو غیر محفوظ محسوس کروا رہا ہے؟
  • آپ نے اپنے شواہد کیسے اکھٹّا کئے؟

ہر سوال کا، بغیر کوئی اندازہ لگائے بغیر یا منصوبہ بنائے بغیر، مخصوص جواب دینے کی کوشش کریں-

مثال کے طور پہ، "آپ نے اپنا آبائی ملک کب چھوڑا ؟"اگر آپ کو بلکل درست تاریخ یاد ہے تو، بہت خوب! لیکن، اکثر ہمیں مخصوص تاریخیں نہیں یاد رہتیں - خاص کر کہ جب ہم ان کو نوٹ نہیں کر رہے ہوتے-

اگر آپ کو تاریخ نہیں پتا تو اس سلسلے میں کیا کرنا ہے؟ اصل تاریخ سے قریب تر ہونے کی کوشش کریں - کون سا مہینہ؟ اس وقت کیسا موسم تھا؟ پچھلی گرمیوں میں؟ کیا آپ کو یاد ہے کہ اس دوران کوئی تہوار تھا؟

تمام سوالات کا بار بار پوچھے جانے کے لئے تیار رہیں - جھنجھلائیں نہیں- ٹھنڈے دماغ کے ساتھ جواب دیں، اگر پانی کی ضرورت ہے تو مانگ لیں، اگر سب آپ کو بہت زیادہ لگنے لگے تو ایک وقفہ لیں اور دوبارہ سے شروع کریں-

یاد رکھیں: عام سوالات بھی بار بار پوچھے جانے پر پریشان کر سکتے ہیں- تھوڑی پریشانی کے لئے تیار رہیں-

عمل:اپنی پر اعتمادی کے لئے، وکیل/کیس ورکر کے ساتھ ایک سے دو پریکٹس انٹرویو رکھنے کی کوشش کریں-

اس کے بعد: ہم اسائلم کا فیصلے کے بارے میں بات کریں گے-

اور مت بھولیں: آپ قابلِ قدر ہیں - آپ طاقتور ہیں- آپ یہ کر سکتے ہیں!

سول میڈیسن ٹیم-