ہیلو! ١٥ نوٹس میں سے ١٤ نوٹ میں خوش آمدید! مبارک ہو، آپ نے اس کو تقریباً ختم کر لیا ہے- صرف ایک اور نوٹ- پچھلے نوٹ میں، ہم نے اسائلم کے فیصلے کے بارے میں بات کی تھی- اس نوٹ میں، ہم آپ کو سمجھائیں گے کہ اگر آپ کی درخواست نامنظور ہو جاتی ہے تو کیا کرنا ہے- ہم اسے مل کر کریں گے-

آپ کے اتنا سب کرنے کے باوجود، امیگریشن آفس آپ کی درخواست کو نامنظور کر سکتا ہے- لیکن، فکر نہ کریں- ابھی سب ختم نہیں ہوا ہے- تمام درخواستیں منظور نہیں کی جاتیں، لیکن ان میں سے کئی کو اپیل کیا جا سکتا ہے- اس کا مطلب آپ اس ملک کی حکومت کو اپنی درخواست پر ایک مرتبہ پھر نظر ثانی کرنے کو کہیں اور بتائیں کہ آپ کو اسائلم کیوں ملنی چاہیے-

نہ منظوری کا خط ملنے پر، آپ کو سب سے پہلی چیز جس کی یقین دہانی کرنی ہے وہ یہ ہے کہ آپ کا لفافہ صحیح حالت میں یا نہیں- آپ کو خط بھیجنے اور ملنے کی تاریخ ثابت کرنے کے لئے اس کی ضرورت پر سکتی ہے- اس کے بعد، خط کو غور سے پڑھیں اور نوٹس بنائیں- یہ ضروری ہے کہ آپ اپنا پہلے اپنا نام واضح کریں تاکہ آپ اس کے اگلے قدم پہ غور کر سکیں-

انہوں نے منع کیوں کیا؟

• کیا انہوں نے آپ کی کہانی سناتے ہوئے کوئی غلطیاں کی؟
• کیا آپ کو ان کا سوال پوچھنے میں غلطی ہوئی ہے؟
• آپ کے جمع کرائے تمام دستاویز کو چیک کریں- کیا ان کے ساتھ کوئی مسئلہ تھا؟
• کیا آپ نے غلط بنیاد پہ درخواست داخل کی تھی؟

اس سب کے بعد، اپنے نامنظوری کے خط کے بارے میں ایک سٹیٹمنٹ تیار کریں، کہ آپ کو کیا لگتا ہے اور کہاں پہ آپ کو لگتا ہے کہ کوئی غلطی ہوئی ہے- آپ اس میں اپنے وکیل/کیس ورکر سے مدد مانگ سکتے ہیں-

نوٹ: تمام نامنظوری والی درخواست کو اپیل کی اجازت نہیں ہوتی اس لئے آپ کو اپنے وکیل/کیس ورکر کو مخصوص نصیحتوں کے لئے پوچھنا پڑے گا- آپ اپنے کیس کے لئے کسی ایکسپرٹ گواہ کی بھی مدد لے سکتی ہیں جیسا کہ عورتوں کی حقوق کی کوئی آرگنائزیشن یا کوئی ایسی آرگنائزیشن جو کہ رفیوجی عورتوں کے ساتھ کام کرتی ہیں-

ہر ملک میں درخواست کے لئے اپیل کے مختلف طریقہ کار ہوتے ہیں- مثال کے طور پہ، آئر لینڈ میں، آپ اسے جوڈیشل ریویو کے لئے جمع کرا سکتے ہیں جبکہ، امریکا میں، اسائلم کے فیصلے کو بدلنے کے لئے آپ کو ٤ مواقع ملتے ہیں جس میں آپ امیگریشن کورٹ سے لے کر سپریم کورٹ تک درخواست داخل کر سکتے ہیں-

کیونکہ، ہم اس بات کی یقین دہانی کرنا چاہتے ہیں کہ یہ راہ زیادہ سے زیادہ لوگوں کی مدد کرے، اس لئے ہم نے اسے جتنا ہوسکا اتنا عمومی رکھا ہے- امیگریشن کے قوانین اور طریقہ کار متحرک ہوتے ہیں اور وقتاً بدلتے رہتے ہیں، اس لئے اس بات کا دھیان رکھیں کہ آپ اپنے ملک کے انفرادی طریقہ کار کی مخصوص تفصیل جاننے کے لئے اُ س ملک کے صفحے پر جائیں-

جب کہ آپ کا وکیل/کیس ورکر آپ کی اپیل پہ کام کر رہا ہے، آپ کو مستقبل کے لئے پلان بنانے کی ضرورت ہے-

سب سے ضروری ہے کہ، آپ اپنا خیال رکھیں- یہ قانونی طریقہ کار بہت مشکل ہوسکتے ہیں اور آپ کو پریشان کر سکتے ہیں- اس لئے اطمینان رکھیں اور خود کو مشغول رکھنے کی کوشش کریں - مستقل پریشانی آپ کے لئے نقصاندہ ہے-

یاد رکھیں: تمام درخواستوں پہ اپیل نہیں کر سکتے، اس لئے اس بارے میں اپنے وکیل/کیس ورکر سے پوچھیں-

عمل: اپنے نامنظوری والے خط کو جانچیں اور دیکھنے کہ اس میں کیا غلطی ہوئی-

اس کے بعد: آپ نے اس راہ سے کیا سیکھا، ہم اسے دہرائیں گے-

اور مت بھولیں: آپ قابلِ قدر ہیں - آپ طاقتور ہیں- آپ یہ کر سکتے ہیں!

سول میڈیسن ٹیم-